Iryna Kazulina budzie pachavanaja na mohiłkach u Tarasavie
Pakolki rodnyja j paplečniki Alaksandra Kazulina nie dačakalisia stanoŭčaha rašeńnia ŭładaŭ nakont mahčymaści pachavać Irynu Kazulinu na Ŭschodnich (Maskoŭskich) mohiłkach u Miensku, jana budzie pachavanaja siońnia na mohiłkach u Tarasavie Mienskaha rajonu.
Pakolki rodnyja j paplečniki Alaksandra Kazulina nie dačakalisia stanoŭčaha rašeńnia ŭładaŭ nakont mahčymaści pachavać Irynu Kazulinu na Ŭschodnich (Maskoŭskich) mohiłkach
Z prośbaj dazvolić pachavać Irynu Kazulinu na Ŭschodnich mohiłkach Miensku jejnyja svajaki j hramadzkaść źviartalisia ŭ Mienharvykankam, urad i Administracyju prezydenta.
Učora Mienharvykankam nie dazvoliŭ pachavać Irynu Kazulinu na Ŭschodnich mohiłkach z toj pryčyny, što mohiłki jość zakrytymi j pryznačanyja dla pachavańnia zasłužanych hramadzian.
«Pry hetym pradstaŭnik Mienharvykankamu zajaviŭ, što ŭvohule nia viedaje, chto takaja Iryna Kazulina», — adznačyła ŭ interviju BiełaPANu kiraŭnica presavaj słužby Kazulina Raisa Michajłoŭskaja.
Jana padkreśliła, što ŭ liście byli pieraličanyja zasłuhi j adznačanaja rola Iryny Kazulinaj u baraćbie z ankalahičnymi zachvorvańniami j jejny ŭniosak u pracu hramadzkaj arhanizacyi «U promniach nadziei».