U Maskvie majuć namier stvaryć «alternatyŭny ŭrad Ukrainy»
Były premjer Ukrainy Mikałaj Azaraŭ stvaraje «Kamitet vyratavańnia Ukrainy».
Jak paviedamiŭ vydańniu Hazieta.Ru pres-sakratar Azarava Siarhiej Zavarotny, na kanfierencyi ŭ čaćvier budzie pradstaŭleny alternatyŭny kandydat u prezidenty Ukrainy zamiest dziejučaha Piatra Parašenki.
Kanfierencyja projdzie ŭ Maskvie, u haścinicy «Ukraina».
Adznačajecca, što ŭ zadačy «kamiteta» ŭvojdzie składańnie alternatyvy kijeŭskamu ŭradu. U «kamitet» ŭvojduć byłyja nardepy Rady ad Partyi Rehijonaŭ Ihar Markaŭ, Uładzimir Alejnik i Aleh Caroŭ. Sam Azaraŭ moža ŭznačalić urad Ukrainy ŭ vyhnańni.
U čym sens vyłučeńnia «kandydata ŭ prezidenty» (uličvajučy, što prezidenckich vybaraŭ va Ukrainie ŭ bližejšy čas nie płanujecca), nie ŭdakładniajecca, adznačaje vydańnie slon.ru.