Biudžet pražytačnaha minimumu ŭ Biełarusi sa žniŭnia pavyšany na 6,4%
U Biełarusi ŭstanoŭleny biudžet pražytačnaha minimumu ŭ siarednim na dušu nasielnictva i pa asnoŭnych sacyjalna-demahrafičnych hrupach nasielnictva ŭ cenach červienia 2015 hoda ŭ raźliku na miesiac. Takoje rašeńnie źmieščana ŭ pastanovie Ministerstva pracy i sacyjalnaj abarony ad 20 lipienia 2015 hoda numar 45, jakaja apublikavana siońnia na Nacyjanalnym pravavym internet-partale.
Biudžet pražytačnaha minimumu ŭ siarednim na dušu nasielnictva (BPM) z 1 žniŭnia pa 30 kastryčnika biahučaha hoda ŭ raźliku na miesiac składaje Br1 młn 569 tys. 130. BPM pavialičyŭsia na 6,4 pracenta da narmatyvu, jaki dziejničaje z 1 maja pa 31 lipienia biahučaha hoda (Br1 młn 474 tys. 870), pry roście indeksa spažyvieckich cen za hety ž pieryjad na 2,3 pracenta.
Pastanovaj Minpracy i sacabarony ŭstanoŭleny biudžet pražytačnaha minimumu dla asnoŭnych sacyjalna-demahrafičnych hrup nasielnictva: pracazdolnaha nasielnictva - Br1 młn 719 tys. 890; piensijanieraŭ — Br1 młn 193 tys. 160; studentaŭ - Br1 młn 521 tys. 300; dziaciej va ŭzroście da troch hadoŭ - Br1 młn 1 tys. 40; dziaciej va ŭzroście ad troch da šaści hadoŭ - Br1 młn 403 tys. 260; dziaciej va ŭzroście ad šaści da vasiemnaccaci hadoŭ - Br1 młn 718 tys. 10.
Jak adznačyli ŭ Ministerstvie pracy i sacyjalnaj abarony, u suviazi sa źmianieńniem BPM z 1 žniŭnia pavialičacca minimalnyja pracoŭnyja i sacyjalnyja piensii; nadbaŭki, pavyšeńni da piensij i dapłaty ludziam va ŭzroście 75 hadoŭ i starejšym; niekatoryja vidy dziaržaŭnych dapamoh siemjam, jakija vychoŭvajuć dziaciej, i inšyja sacyjalnyja vypłaty, jakija vyličvajucca z pamieru BPM.
Taksama z 1 žniŭnia pavysicca kryteryj patrebnaści pry vyznačeńni prava na dziaržaŭnuju adrasnuju sacyjalnuju dapamohu (DASD) hramadzian i siemjaŭ, jakija apynulisia ŭ ciažkaj žyćciovaj situacyi. Budzie praviedzieny pieraraźlik štomiesiačnaj sacyjalnaj dapamohi, jakaja pradastaŭlajecca ŭ ramkach DASD.
Jak rastłumačyli ŭ Minpracy i sacabarony, BPM jak sacyjalny narmatyŭ pryznačany dla analizu i prahnazavańnia ŭzroŭniu žyćcia nasielnictva, akazańnia dziaržaŭnaj sacyjalnaj dapamohi małazabiaśpiečanym hramadzianam (siemjam), abhruntavańnia minimalnych dziaržaŭnych sacyjalna-pracoŭnych harantyj.