Z 6 žniŭnia ŭ Rasii pačnuć źniščać sankcyjnyja pradukty
Pucin daručyŭ raspracavać rytuał.
pinterest.com
Prezident Rasii Uładzimir Pucin padpisaŭ ukaz ab źniščeńni z 6 žniŭnia tavaraŭ, uvoz jakich zabaronieny ŭ ramkach praduktovaha embarha.
Pad dziejańnie ŭkaza nie traplajuć tavary, uviezienyja fizičnymi asobami dla asabistaha karystańnia, a taksama pradukcyja, pryznačanaja dla pieravozki ŭ trecija krainy.
U siaredzinie lipienia Pucin daručyŭ uradu raspracavać miechanizm źniščeńnia niezakonna ŭviezienych tavaraŭ.
Prapanovu raspracavać miechanizm, jaki dazvoliŭ by źniščać sankcyjnyja tavary «na miescy», zrabiŭ ministr sielskaj haspadarki Alaksandr Tkačoŭ.
U kancy červienia rasiejskija ŭłady praciahnuli embarha na pastaŭki praduktaŭ z krain, jakija ŭviali suprać Rasii sankcyi ŭ suviazi ź situacyjaj na Ukrainie i anieksijaj Kryma, da žniŭnia 2016 hoda. Pierad hetym Jeŭrasajuz padoŭžyŭ termin dziejańnia ekanamičnych sankcyj u dačynieńni da Rasii na paŭhoda.
U pačatku lipienia arbitražny sud Sankt-Pieciarburha i Leninhradskaj vobłaści vynies rašeńnie ab tym, što zabarona na ŭvoz sankcyjnych pradukcyi nie raŭnaznačnaja zabaronie na jaje prodaž. Rasspažyŭnahlad abskardziŭ hetaje rašeńnie i zapatrabavaŭ skasavać dazvoł na prodaž sankcyjnych praduktaŭ.