Arhkamitet BCHD padaje skarhi na pradstaŭnikoŭ Kampartyi ŭ CVK i prakuraturu
Arhkamitet pa stvareńni partyi «Biełaruskaja chryścijanskaja demakratyja» (BCHD) padaje ŭ Centrvybarkam skarhu na pradstaŭnikoŭ Kamunistyčnaj partyi Biełarusi (KPB) za razdaču haziet na pikietach pa zbory podpisaŭ u padtrymku vyłučeńnia kandydatam u prezidenty Alaksandra Łukašenki, paviedamlaje pres-słužba arhanizacyi.
Na dumku pradstaŭnikoŭ BCHD, takim čynam aktyvisty KPB faktyčna ažyćciaŭlajuć ahitacyju, jakaja padčas zboru podpisaŭ zabaronienaja.
Druhuju skarhu arhkamitet padaje ŭ prakuraturu ŭ suviazi z raźmiaščeńniem u haziecie i na sajcie KPB infarmacyi, jakaja, pavodle mierkavańnia BCHD, utrymlivaje paklop i abrazy ŭ dačynieńni da biełaruskich chryścijanskich demakrataŭ, u pryvatnaści sustaršyni arhanizacyi Vitala Rymašeŭskaha.
Jak ličać pradstaŭniki BCHD, paklop i abrazy ŭtrymlivajucca ŭ artykule «Troje ŭ łodcy, nie ličačy BCHD», apublikavanym u haziecie «Kommunist Biełarusi» 24 lipienia. Aŭtar artykuła daje acenku kamientaryju Rymašeŭskaha «na zajavu kamunistaŭ pra ich hatoŭnaść supraćstajać lubym sprobam hramadzian Biełarusi vystupać suprać falsifikacyi vybaraŭ».
Takaja zajava prahučała 27 červienia na źjeździe KPB ad pieršaha sakratara partyi Ihara Karpienki. Kamientujučy słovy Karpienki «Biełhazietie» (numar ad 6 lipienia), Rymašeŭski adznačyŭ: «Kamunisty, kažučy pra svoj namier nie dapuścić Płoščy, mohuć prykryvacca apazicyjaj, ale ich dziejańni skiravanyja na dyskryminacyju biełaruskaha naroda, na toje, kab pazbavić ludziej prava hołasu. Hetaja zajava poŭnaściu ŭ duchu i tradycyi našaj tatalitarnaj kamunistyčnaj spadčyny. Tym nie mienš, pazbaŭlać naroda prava na mirny pratest nie majuć prava ni kamunisty, ni apazicyja».
Pradstaŭniki KPB adreahavali na zajavu Rymašeŭskaha. U artykule «Troje ŭ łodcy, nie ličačy BCHD» havorycca: «Mienavita dziakujučy takim zastupnikam za demakratyju i prava naroda, jak Rymašeŭski, ciapier va Ukrainie realnaja palityka składajecca ź lustracyj, katavańniaŭ, palityčnych zabojstvaŭ i pieraśledaŭ za kamunistyčnyja pierakanańni».
Na dumku Rymašeŭskaha, nadziei na niezaležny razbor niama. «Ale padavać skarhi nieabchodna, kab dezavujavać zajavy, jakija źmiaščajuć adkrytuju pahrozu hramadzianam Biełarusi i ŭsim apanientam režymu», — pierakanany palityk.