Viaskoviec zabiŭ maci i zakapaŭ cieła za harodam
Čačerski rajonny adździeł Śledčaha kamiteta raspačaŭ kryminalnuju spravu ŭ dačynieńni da 27-hadovaha žychara vioski Pokać pa č.1 art.139 KK Biełarusi, jaki padazrajecca ŭ zabojstvie maci. Pra heta paviedamiła aficyjny pradstaŭnik upraŭleńnia Śledčaha kamiteta pa Homielskaj vobłaści Maryja Kryvanohava.
Ź siaredziny lipienia 56-hadovaja žančyna ličyłasia bieź viestak źnikłaj. Zajava ab źniknieńni piensijanierki pastupiła ŭ milicyju ad dački. Pa fakcie źniknieńnia asoby była raspačataja kryminalnaja sprava.
«Pry praviadzieńni apieratyŭna-vyšukovych mierapryjemstvaŭ supracoŭniki Čačerskaha RAUS vyjavili dačynieńnie da źniknieńnia viaskovaj žycharki jaje syna. Padčas ahladu jaho domaŭłaśnictva pravaachoŭniki znajšli za harodam jamu ź ciełam. Zhodna z papiarednim zaklučeńniem ekśpierta, śmierć žančyny nastupiła ad množnych pierałomaŭ kostak tvaru, rebraŭ, pierałomu hrudziny. Dla ŭstanaŭleńnia dakładnaj pryčyny śmierci trup nakiravany dla praviadzieńnia sudova-miedycynskaj ekśpiertyzy», — raspaviała Maryja Kryvanohava.
Pa niepasredna ŭźnikłym padazreńni ŭ ździajśnieńni złačynstva byŭ zatrymany syn zahinułaj, jaki padčas dopytu daŭ pryznalnyja pakazańni. Uviečary 30 červienia padazravany, znachodziačysia pa miescy žycharstva, pasvaryŭsia z maci, jakaja pryjšła da jaho, i źbiŭ jaje. Ad atrymanych cialesnych paškodžańniaŭ žančyna pamierła. Na nastupnyja sutki syn zakapaŭ jaje cieła.
Padazravany zaklučany pad vartu. Rasśledavańnie kryminalnaj spravy praciahvajecca.