Za paŭhoda minskaja padatkovaja zapatrabavała dekłaracyi ŭ 337 patencyjnych «darmajedaŭ»
Z pačatku 2015 hoda minskaja padatkovaja zapatrabavała 337 dekłaracyj u patencyjnych darmajedaŭ — ludziej, jakija pry niaznačnych dachodach robiać darahija pakupki. Pra heta padčas anłajn-kanfierencyi na sajcie BIEŁTA paviedamiła pieršy namieśnik načalnika IMPZ pa Minsku Nadzieja Bołdyrava.
Adkazvajučy na pytańnie, kolki patencyjnych płacielščykaŭ zboru na darmajedstva padatkovaja inśpiekcyja ŭžo naličyła ŭ Minsku, Nadzieja Bołdyrava adznačyła, što baza płacielščykaŭ padatku jašče nie stvoranaja. Heta značyć, nazyvać dakładnuju kolkaść darmajedaŭ pakul rana.
«Nieabchodna ŭličvać i toj fakt, što hod jašče nie skončyŭsia, i chto-niebudź ź niepracujučych hramadzian moža jašče pracaŭładkavacca, a chtości — naadvarot», — dadała jana.
U toj ža čas z pačatku 2015 staličnaja padatkovaja zapatrabavała 337 dekłaracyj ab dachodach i majomaści ŭ hramadzian, jakija patencyjna mohuć ličycca darmajedami. Jany majuć niaznačnyja aficyjnyja dachody, ale pry hetym ździajśniajuć bujnyja pakupki. Hetyja ludzi zapłacili padachodny padatak (13%) z sumy pieravyšeńnia dachodaŭ nad vydatkami. U biudžet ad ich pastupiła ŭ ahulnaj kolkaści 769,1 miljona rubloŭ, paviedamlaje tut.by.