U Tajlandzie pierakuliŭsia aŭtobus ź biełaruskimi turystami
U sieradu ranicaj trapiŭ u DTZ turystyčny aŭtobus, jaki pieravoziŭ biełaruskich i rasiejskich turystaŭ z kurortu Pataji ŭ Banhkok.
Šafior nia spraviŭsia z kiravańniem na ślizkaj paśla daždžu pałasie, i aŭtobus pierakuliŭsia. Zahinuli dva žychary Rasiei.
U aŭtobusie znachodzilisia 38 čałaviek, u tym liku i biełarusy, ‑‑ havorycca ŭ pres‑relizie Rasturyzmu.
Usie turysty, za vyklučeńniem dzieviaci čałaviek, atrymali roznyja traŭmy, adzin znachodzicca ŭ ciažkim stanie.