Ministar unutranych spraŭ Niamieččyny zaklikaŭ usie eŭrapiejskija hazety pieradrukavać karykatury na praroka Muchameda
Na dumku Volfhanha Šojble, pieradrukoŭka karykaturaŭ stanie akcyjaj pratestu eŭrapiejskaj presy suprać hvałtu.
Paśla źjaŭleńnia infarmacyi ab padrychtoŭcy zamachu na adnaho z aŭtaraŭ karykaturaŭ na praroka Muchameda bujniejšyja dackija hazety pieradrukavali skandalnyja malunki. Palicyja zatrymała piać padazravanych. Danija ŭ čarhovy raz zaznała chvalu biesparadkaŭ. «Usie eŭrapiejskija hazety pavinnyja pieradrukavać karykatury praroka Muchameda», — zajaviŭ ministar unutranych spraŭ Niamieččyny Volfhanh Šojble ŭ interviju niamieckamu štotydnioviku Die Zeit. Adnak, na dumku ministra, malunki musiać supravadžacca abaviazkovaj prypiskaj: «I my ličym hetyja karykatury brydkimi. Ale našaja prychilnaść da pryncypaŭ svabody słova nia jość nahodaj dla hvałtu».
30 vieraśnia 2005 h. dackaja hazeta Jullands‑Posten nadrukavała 12 karykatur na praroka Muchameda. Paźniej malunki źjavilisia ŭ adnoj z narveskich hazetaŭ. Publikacyi vyklikali chvalu abureńnia ŭ musulmanskim śviecie. Za zabojstva aŭtaraŭ malunkaŭ prapanoŭvalisia vializnyja hrošy.
Tym časam, u Biełarusi za pieradruk karykaturaŭ na praroka Muchameda była začynienaja hazeta «Zhoda», a były namieśnik redaktara hazety Alaksandar Źdźvižkoŭ byŭ asudžany na try hady źniavoleńnia ŭ kalonii uzmocnienaha režymu. 22 lutaha 2008 h. kalehija sudździaŭ Viarchoŭnaha sudu źmianiła try hady turmy tryma miesiacami aryštu, jakija A.Źdźvižkoŭ užo adsiedzieŭ u SIZA, pakul išło śledztva.