«Hulnia tronaŭ» zavieršycca praz try siezony. Dalej prykveły
Ale dyrektar kanała pahladzieŭ by jašče.
Kit Charynhtan u roli Džona Snoŭ
Sieryjał «Hulnia tronaŭ» chutčej za ŭsio budzie doŭžycca vosiem siezonaŭ, pieradaje žurnalist Toni Mahlia słovy prahramnaha dyrektara telekanała HBO Majkła Łambarda.
Paśla zaviaršeńnia sieryjała 8-ym siezonam davoli imaviernyja zdymki prykveła — historyi da asnoŭnaj siužetnaj linii «Hulni tronaŭ».
Pra toje, ci žyvy hieroj sieryjała Džon Snoŭ, na śmierć jakoha byli namioki ŭ kancy piataha siezonu, Łambarda adkazaŭ: «Miortvy značyć miortvy». Pavodle słoŭ režysiora, usio, što jon čytaŭ, čuŭ i bačyŭ, śviedčyć pra toje, što Džon Snoŭ pamior.
Ale pakul asnoŭnaja ŭvaha pradziusaraŭ nadadzienaja šostamu siezonu, što maje vyjści ŭviesnu 2016 hoda. Rašeńnie pra vosiem siezonaŭ nie kančatkovaje, sam Łambarda spadziajecca, što pradziusary sieryjała pieradumajuć i praciahnuć jaho na bolšuju kolkaść siezonaŭ.
Hladzicie taksama: 7 sieryjałaŭ, što varta pahladzieć hetym letam