U Minsku pa haračych śladach raskrytaje zabojstva
Supracoŭnikami kryminalnaha vyšuku Leninskaha RUUS Minska pa haračych śladach raskrytaje zabojstva. Pavodle padazreńnia va ŭčynieńni złačynstva zatrymany 25-hadovy raniej sudzimy žychar stalicy.
Jak paviedamlaje HUUS Minharvykankama, 30 lipienia prykładna ŭ 6.00 u słužbu chutkaj mieddapamohi pastupiła infarmacyja ad hramadzian, što na prypynku hramadskaha transpartu pa vulicy Aranskaj maładomu čałavieku drenna. Chłopca dastavili ŭ balnicu. Ad nažavych ranieńniaŭ, što byli ŭ jaho, jon nieŭzabavie pamior.
Momant zabojstva zafiksavali kamiery videanazirańnia. Na zapisach bačna, što paciarpieły i padazrony byli znajomyja. Jak vyśvietliłasia, napiaredadni maładyja ludzi sumiesna raśpivali śpirtnyja napoi, usiu noč hulali na hulniavych aŭtamatach, paśla čaho nakiravalisia ŭ bok vulicy Majakoŭskaha, adkul źbiralisia na hramadskim transparcie pajechać damoŭ. Adnak pamiž imi ŭźnik kanflikt, padčas jakoha adzin nanios druhomu dva ŭdary nažom.
Dziejańni zatrymanaha kvalifikavanyja śledstvam pavodle č. 1 art. 139 KK.
Pravodziacca apieratyŭna-vyšukovyja mierapryjemstvy na dačynieńnie padazronaha ŭ zabojstvie da ŭčynieńnia inšych złačynstvaŭ, u pryvatnaści da napadu sieksualnaha charaktaru na maładuju žančynu na vulicy Uljanaŭskaj 30 lipienia prykładna ŭ 4.00.