U žychara Mazyra kanfiskavana kala 2000 litraŭ ałkaholu
Rabotnikami inśpiekcyi MPZ pa Mazyrskim rajonie sumiesna z supracoŭnikami pravaachoŭnych orhanaŭ ustanoŭleny fakt niezakonnaha zachoŭvańnia žycharom Mazyra ŭ pryvatnym domaŭładańni 1575 litraŭ rasijskaj harełki, a taksama viski, tekiły, brendzi, romu i kańjaku ŭ kolkaści 154 litraŭ, nie markiravanych va ŭstanoŭlenym paradku akcyznymi markami Respubliki Biełaruś.
Pavodle papiaredniaj acenki, košt ałkaholnych napojaŭ składaje 332,1 młn rubloŭ.
Aprača taho, hramadzianin niezakonna zachoŭvaŭ pradukcyju z utrymańniem śpirtu ŭ polietylenavych kanistrach biez etykietak na 12,1 młn rubloŭ.
Jak paviedamlaje IMPZ pa Homielskaj vobłaści, ałkaholnyja napoi i vadkaść z utrymańniem śpirtu ahulnym koštam 344,2 młn rubloŭ aryštavanyja i kanfiskavanyja. Materyjały pravierki nakiravanyja ŭ sud dla razhladu.
Parušalniku za niezakonny abarot padakcyznaj pradukcyi aprača kanfiskacyi tavaru pahražaje štraf da 36 młn rubloŭ.