Na MKS adašluć najlepšy viski Ziamli
Japoncy chočuć daviedacca, što budzie ź viski ŭ kosmasie.
Japonski vytvorca ałkaholu Suntory anansavaŭ adpraŭku na MKS šaści butelek viski 16 žniŭnia. Kampanija choča daviedacca, što stanie z napojem u biazvažkaści. U kosmas trapić jak małady viski, tak i butelka napoju 21-hadovaj vytrymki, udakładniŭ pradstaŭnik kampanii ŭ kamientary The Wall Street Journal.
Astranaŭtam nie daduć adpić hety viski. Paśla peŭnaha času na arbicie viski vierniecca na Ziamlu — ale nie da pakupnikoŭ, a ŭ łabaratoryju.
Tym časam siarod šaści butelek budzie «Jamadzaki» 2013 hoda, pryznany ekśpiertami najlepšym viski płaniety ŭ 2015 hodzie.
Daśledavańnie na Ziamli pakazała, što viski, vytrymany va ŭmovach z małymi vahańniami tempieratur, maje być bolš miakkim. Dakładny miechanizm taho, što adbyvajecca ź viski padčas vytrymlivańnia, navukoŭcam na siońnia nieviadomy.
Pieršy «kaśmičny viski» vierniecca na Ziamlu praz hod, nastupnyja proby — jašče praz hod. Viski nie budzie vystaŭleny na prodaž, a trapić u łabaratoryi dla vyvučeńnia taho, jak napoj vytrymlivajecca ŭ biazvažkaści, i da prafiesijnych dehustataraŭ, jakija paraŭnajuć jaho ź ziamnym.