«Ukrnafta» zajaviła pra pahrozu spynieńnia zdabyčy nafty i hazu
Najbujniejšaja va Ukrainie naftazdabyvajučaja kampanija «Ukrnafta» zajaviła ab mahčymym spynieńni zdabyčy nafty i hazu z-za admovy kampanii «Ukrtransnafta» ŭ pryjomie i transparciroŭcy nafty.
«Ukrtransnafta» spyniła pryjom i transparciroŭku nafty ŭ piatnicu. «Ukrnafta» abvinavaciła kampaniju ŭ parušeńni dahavornych abaviazacielstvaŭ i prystrašyła źviarnucca ŭ sud, kab «Ukrtransnafta» pakryła joj straty.
«U suviazi z zatavarvańniem reziervuarnaha parku PAO «Ukrnafta» budzie vymušanaja prypynić zdabyču nafty i hazu z 24.00 hadzin 31 lipienia 2015 hoda. Heta pryviadzie da spynieńnia zakantraktavanych pastavak na naftapierapracoŭčyja mahutnaści», — havorycca ŭ zajavie pres-słužby kampanii.
U kampanii adznačajuć, što ŭpieršyniu sutyknulisia z takoj situacyjaj i prosiać umiašacca ministra enierhietyki i vuhalnaj pramysłovaści Uładzimira Dziamčyšyna i staršyniu praŭleńnia nacyjanalnaj akcyjaniernaj kampanii «Naftahaz Ukrainy» Andreja Kobaleva.
«Ukrtransnafta» vystupaje apierataram naftatranspartnaj sistemy Ukrainy. 100% jaje akcyj znachodziacca va ŭpraŭleńni NAK «Naftahaz Ukrainy».
Kamientaroŭ «Naftahazu Ukrainy» i «Ukrtransnafty» pakul nie pastupała.