Za knihu Pačobuta – try hadziny na miažy
U redaktara sajta «Radyjo Racyja» na mytnym punkcie «Hrodna-2» kanfiskavali «kramolnyja» vydańni.
Žurnalist Alaksiej Trubkin byŭ zatrymany na try hadziny dla składańnia pratakołaŭ i dačy tłumačeńniaŭ na hrodzienskim terminale čyhunačnaha vakzała. Vypadak adbyŭsia u noč ź piatnicy na subotu, chłopiec akurat viartaŭsia ŭ Biełaruś ciahnikom «Małkinia-Hrodna».
Mytnikam nie spadabałasia knižka Andreja Pačobuta «System Białoruś» z fota kiraŭnika Biełarusi na vokładcy, a paśla da jaje dałučyli «Ahlad-chroniku parušeńniaŭ pravoŭ čałavieka ŭ Biełarusi za 2010 hod» vydańnia pravaabarončaha centru «Viasna». Histaryčnyja knihi Miranoviča dy Kosima, jakija taksama znajšlisia ŭ zaplečniku žurnalista, mytnikaŭ nie zacikavili. A voś «Ahlad-chronika» i kniha Pačobuta zastalisia ŭ mytnikaŭ – ich kanfiskavali pavodle admysłovaha aktu. Dalejšy los vydańniaŭ buduć vyznačać dziaržaŭnyja ekśpierty.