Moładzievyja arhanizacyi Biełarusi patrabujuć vyzvaleńnia hraficistaŭ
Pradstaŭniki biełaruskich moładzievych arhanizacyj «Maładyja Chryścijanskija Demakraty», «Maładaja Biełaruś», «Maładyja Demakraty», «Alternatyva» patrabujuć vyzvaleńnia maładych ludziej, jakim pahražaje kryminalnaja adkaznaść za hrafici «Biełaruś maje być biełaruskaj». Adpaviednuju zajavu padpisali Maryna Chomič, Artur Finkievič, Alona Łuckovič i Aleh Korban.
«To, što robić ułada – absalutnaje biasčynstva. Siońnia z našaj maŭklivaj zhody žorstka zabivajuć maładych ludziej, kidajuć u turmy. U toj čas, kali ŭ Biełarusi pracujuć šmatlikija prarasiejskija arhanizacyja, u krainie kvitnieje fašyzm», - havorycca ŭ zajavie.
«Hrafici i stryt-art siońnia vielmi raspaŭsiudžanyja ŭ Biełarusi, ale my nie bačym massavych zatrymańniaŭ, akramia hetaha. Incydent z maładymi chłopcami pakazvaje, što ŭładam patrebnyja novyja palitźniavolenyja napiaredadni prezidenckaj kampanii», - adznačajuć moładzievyja lidary.
Jany zaklikajuć usich hramadzianaŭ Biełarusi nie być abyjakavymi da ahulnaj prablemy i padtrymać maładych ludziej (Viačasłava Kasinierava, Maksima Piakarskaha, V. (imia prasiŭ nie nazyvać), Jarasłava Uljanienkava i hramadzianina Rasii Paŭła), jakim sieńnia pahražaje da 6 hadoŭ pazbaŭleńnia voli. Naprykład, možna pieradać pieradaču Maksimu Piakarskamu ŭ izalatar časovaha ŭtrymańnia, pa adresie Akreścina 36,a.
«My źviartajemsia da usich kandydytaŭ – patrabujcie vyzvaleńnia maładych ludziej! Pamiatajcie, što zaŭtra na ich miescy možacie apynucca Vy!» – padkreślivajecca ŭ zajavie.