Iran vymušany naroščvać zdabyču nafty niahledziačy na padzieńnie cany
Ministr nafty Irana Bidžan Namdar Zanhanie zajaviŭ, što Tehieran maje namier naroščvać zdabyču nafty luboj canoj, paviedamlaje Bloomberg.
Pa słovach Zanhanie, u krainy niama inšaha vyjścia, pakolki «kali Iran nie pavialičyć abjomy zdabyčy nafty, jon stracić svaju dolu na rynku».
Ministr taksama adznačyŭ, što Iran padtrymlivaje ideju pravieści ekstrannaje pasiadžeńnie APIEK (Arhanizacyja krain-eksparcioraŭ nafty). Na jaho dumku, sustreča mahła b paspryjać vyrašeńniu pytańnia ab strymlivańni spadu na rynku nafty.
Zhodna ź lipieńskim prahnozam Suśvietnaha banka, źniaćcie sankcyj ź Irana, nakładzienych na jaho z-za jadziernaj prahramy Tehierana, prytok nafty na suśvietny rynak uzraście amal na miljon baralaŭ u sutki. Heta ŭ svaju čarhu źnizić prahnazavanuju ŭ 2016 hodzie cana nafty z 66 da 56 dalaraŭ za baral.
Miž tym cana na naftu ŭžo zaraz praciahvaje padać i 24 žniŭnia košt paliva marki Brent apuściłasia nižej za psichałahična važnaj adznaki ŭ 45 dalaraŭ.