Ruch «Za svabodu» zaklikaje Karatkievič dakazać, što jana sabrała 100 tys. podpisaŭ
Pra heta havorycca ŭ pres-relizie, raspaŭsiudžanym rucham «Za svabodu».
«Vaša kamanda adzinaja ź inicyjatyŭnych hrupaŭ demakratyčnych kandydataŭ zajaviła pra paśpiachovaje prachodžańnie pieršaha etapu kampanii prezidenckich vybaraŭ-2015 — zbor nieabchodnych 100 tysiač podpisaŭ», — havorycca ŭ zvarocie
«Razam z tym u publičnaj prastory čuvać nastojlivyja hałasy niedavieru datyčna realnaj kolkaści podpisaŭ, sabranych Vašaj inicyjatyŭnaj hrupaj. Z vybarčaj kampanii 2010 hoda ŭ hramadskaj dumcy tryvaje pierakanańnie, što šmat chto z demakratyčnych kandydataŭ byŭ zarehistravany tady pavodle žadańnia i scenaru ŭładaŭ, nie zdoleŭšy sabrać 100 tysiač podpisaŭ. Heta adnaznačna nie dadało demakratyčnym siłam aŭtarytetu i pryznańnia ŭ hramadstvie», — adznačaje ruch «Za svabodu» i dadaje, što «vy sami vydatna pamiatajecie, nakolki składana i za jaki doŭhi pieryjad času źbiralisia čatyrma strukturami bolš za 100 tysiač podpisaŭ u padtrymku «Narodnaha refierendumu».
«Sumnievy padmacoŭvajucca tym faktam, što kamandy pretendentaŭ Anatola Labiedźki i Siarhieja Kalakina adkryta zajavili, što nie zmahli pieraadoleć padpisny paroh.
U takich umovach hodnym krokam maralnaj palityki i sposabam palapšeńnia imidžu demakratyčnych siłaŭ moža stać niezaležnaja hramadskaja pravierka sabranych podpisaŭ», — reziumujecca ŭ zvarocie.