Na matč Ukraina — Biełaruś u haściavy siektar pradadziena ŭžo 650 kvitkoŭ
Na matč adboračnaha turniru čempijanatu Jeŭropy pa futbole — 2016, što projdzie u Lvovie, u haściavy siektar pradadziena ŭžo bolš za 650 kvitkoŭ.
«Padnažmiem! Naša voźmie!», — piša ŭ svaim tvitary fanaty z B12 (hrupa padtrymki biełaruskaj zbornaj).
Matč Ukraina — Biełaruś projdzie ŭ Lvovie 5 vieraśnia, heta budzie subota.
Paśla 6 turaŭ stanovišča ŭ hrupie S nastupnaje:
Słavakija — 18, Ispanija — 15, Ukraina — 12, Biełaruś — 4, Makiedonija — 3, Luksiemburh — 1.
Tolki pieramoha nad Ukrainaj pakidaje Biełarusi iluzornyja šancy na 3-je miesca ŭ hrupie i stykavyja matčy za vychad na Jeŭra-2016.
8 vieraśnia ŭ Barysavie Biełaruś zhulaje suprać Luksiemburha. U kastryčniku padapiečnym Alaksandra Chackieviča zastaniecca pravieści dva matčy: 9-ha suprać Słavakii ŭ haściach, a 12 kastryčnika, na nastupny dzień paśla prezidenckich vybaraŭ, doma suprać Makiedonii.
Hod tamu, na «Barysaŭ-Arenie» Biełaruś prajhrała Ukrainie ź likam 0:2, ale matč zapomniŭsia družnym śpievam biełaruskich i ukrainskich zaŭziataraŭ pieśni pra Pucina.
Nahadajem taksama, što mer Lvova Andrej Sadovy źviarnuŭsia da prezidenta Ukrainy Piatra Parašenki, kab toj zaprasiŭ Łukašenku na matč Ukraina — Biełaruś.