Siem krain padtrymali ideju trybunała nad kamunizmam
Siem krain padtrymali vykazanuju kiraŭnikom Miniusta Estonii ideju ab stvareńni mižnarodnaha suda dla rasśledavańnia «złačynstvaŭ kamunizmu»
Ministr justycyi Estonii Urmas Rejnsału ŭ subotu vystupiŭ z prapanovaj zasnavać sud, jaki mieŭ by status miždziaržaŭnaha orhana, dla rasśledavańnia złačynstvaŭ kamunistyčnaha režymu, adznačyŭšy, što ich varta rasśledavać hetak ža, jak rasśledujucca złačynstvy nacyzmu.
Jeŭrapiejski Dzień pamiaci achviar stalinizmu i nacyzmu ŭ niadzielu adznačali ŭ Estonii. U Talinie prajšła mižnarodnaja kanfierencyja The Criminal Legacy of Communism and Nazizm, u jakoj udzielničali členy ŭradaŭ, palityki, ekśpierty i hramadskija dziejačy šerahu jeŭrapiejskich krain.
Pradstaŭniki miniustaŭ Estonii, Łatvii, Litvy, Polščy, Čechii, Słavakii, Vienhryi i Hruzii vystupili z sumiesnaj zajavaj ab nieabchodnaści rasśledavać «złačynstvy kamunizmu» i stvareńnia dla hetaha śpiecyjalnaha mižnarodnaha suda. Dla abmierkavańnia hetaha pytańnia vyrašana sabrać hrupu ekśpiertaŭ.