Statkievič pra vybary-2015: «U demakratyčnych vybarščykaŭ nie zastałosia svajho kandydata»
U byłoha palitviaźnia Mikałaja Statkieviča vydańnie «Salidarnaść» spytałasia ab staŭleńni da Taćciany Karatkievič.
«Ja asabista znajomy z Taćcianaj. Ale, na žal, abstaviny jaje vyłučeńnia i asabliva toj, chto jaje vyłučaje (jaki pa sutnaści jaje i «zrabiŭ»), vyklikajuć vielmi šmat pytańniaŭ. I pakul stanoŭčych adkazaŭ ja na ich nie maju…
U mianie składajecca ŭražańnie, što na hety raz pajšli nie na fabrykacyju vynikaŭ vybaraŭ, a stali dziejničać pa-inšamu. Na hety raz, vidać, vykarystali śpiecsłužboŭskija zachady, kab nie dać apazicyi vyjści na adzinaha. Skarystali svaje dypłamatyčnyja srodki i adsiekli vonkavuju padtrymku sapraŭdy apazicyjnych kandydataŭ. U rešcie rešt maim utrymańniem u źniavoleńni dali hramadstvu sihnał, što nijakich vybaraŭ niama. Heta paŭpłyvała na adčajnuju sprobu dvuch apazicyjnych lidaraŭ zarehistravacca – jany sutyknulisia z kałasalnaj apatyjaj.
Mianie vypuścili, kali usio ŭžo było zroblena, kali niemahčyma było paŭpłyvać na kolkaść sabranych podpisaŭ. Ułada śviadoma pajšła na toje, kab pazbavić hramadstva vybaraŭ. 30% demakratyčnych vybarščykaŭ (zhodna sacyjałahičnych apytańniaŭ) pazbavilisia mahčymaści mieć svajho kandydata, jaki paśladoŭna i harantavana stajaŭ by na ich pazicyjach. I heta samaja žudasnaja falsifikacyja z tych, što byli dahetul».