U Litvie i jašče piaci krainach Uschodniaj Jeŭropy pačali dziejničać štaby NATA
Delfi.lt
U Litvie i jašče ŭ piaci krainach Uschodniaj Jeŭropy ŭ aŭtorak aficyjna pačali dziejničać štaby NATA.
«My paćviardžajem, što siońnia NATA aficyjna aktyvavała adzinki intehravańnia sił u Litvie, Łatvii, Estonii, Polščy, Bałharyi i Rumynii», — paviedamiła pres-sakratar ministerstva abarony Litvy Asta Hałdykajcie.
Aficyjnaje adkryćcio štaboŭ namiečana ŭ čaćvier, tak, u Vilni, projdzie ŭračystaja cyrymonija, u jakoj prymie ŭdzieł hienieralny sakratar NATA Jens Stołtenbierh.
U kožnym z šaści štaboŭ buduć pracavać kala 40 aficeraŭ. Hetyja struktury kamandavańnia NATA stvorany, kab lepš padrychtavacca da pryniaćcia sił asabliva chutkaha reahavańnia NATA i kaardynacyi mižnarodnych vučeńniaŭ.
Štab u Vilni ŭznačalić pałkoŭnik uzbrojenych sił Danii Jakab Sohard Łarsien, u im buduć pracavać aficery bolš čym ź dziesiaci krain NATA, bolš za ŭsio pradstaŭnikoŭ delehavali Hiermanija, Kanada i Polšča. Płanujecca, što aficery prybuduć da kanca hoda.