U Baranavičach u rajonie aeradroma prahučali mahutnyja vybuchi, adnak pryčyna mirnaja
Jak paviedamili čytačy «Našaj Nivy», u Baranavičach u rajonie vajskovaha aeradroma prahučali mahutnyja vybuchi.
Hetuju infarmacyju pišuć i karystalniki sacsietak z Baranavič.
Čytačy paviedamlajuć, što vybuchi byli takoj siły, što šyby treślisia ŭ roznych rajonach.
Adnak pryčyna akazałasia mirnaja.
«Na avijabazie šlacham padryvu rasčyščajuć terytoryju ad niezapatrabavanych budynkaŭ, — patłumačyŭ «Našaj Nivie» kiraŭnik pres-słužby Minabarony Uładzimir Makaraŭ. — Darečy, u ŚMI pra budučyja padryvy papiaredžvali», — dadaŭ jon.