Adeskija plažy zapałanili vialikija mieduzy
Adpačynak na plažach Adesy i vobłaści ŭ apošnija dni leta supravadžajecca niekatorymi niazručnaściami — u vadzie možna ŭbačyć šmat bujnych mieduz-karniarotaŭ. Hetyja žyvioły nie tolki pałochajuć amataraŭ papłavać, ale i mohuć baluča ŭdžalić.
Rost papulacyi karniarotaŭ źjaŭlajecca tradycyjnym dla kanca žniŭnia i pačatku vieraśnia. Jak kažuć bijołahi, jon źviazany z padzieńniem tempieratury vady.
Adeskija mieduzy dasiahajuć u daŭžyniu 40-50 sm i strakaciać roznymi farbami (jarka-fijaletavaj, ružovaj, błakitnaj i h.d.), što taksama źjaŭlajecca normaj dla hetaha vidu.
Hałoŭnaje, papiaredžvajuć śpiecyjalisty, — pry sustrečy nie chapać žyviołu za ščupalcy, a akuratna adsunuć, dakranuŭšysia da kupału, jon nie atrutny. Kali apioku paźbiehnuć nie ŭdałosia, to ranu varta pramyć pratočnaj vadoj.