Pačalisia najbujniejšyja vučeńni pavietrana-desantnych vojsk NATA z kanca Chałodnaj vajny
U Jeŭropie prachodziać vučeńni NATA Swift Response 15, u jakich udzielničajuć amal 5000 žaŭnieraŭ pavietrana-desantnych vojsk aljansu, paviedamiła aficyjnaja hazieta amierykanskaj armii Stars and Stripes.
Amierykanski kanviertapłan V-22 Osprey padnimajecca ŭ pavietra paśla vysadki atrada amierykanskich, italjanskich i niamieckich śpiecnazaŭcaŭ u Hiermanii. Fota stripes.com
Za apošnija 35 hod heta samyja vialikija vučeńni desantnikaŭ NATA, pryčym jany prachodziać adrazu ŭ niekalkich krainach — u Hiermanii, Italii, Bałharyi i Rumynii.
Vučeńni musiać padrychtavać mabilnyja kantynhienty z 11 roznych krain dla ŭzajemadziejańnia ŭ vypadku patreby chutkaj kalektyŭnaj reakcyi na ahulnuju niebiaśpieku, kaža aficyjnaje paviedamleńnie amierykanskaj hrupoŭki ŭ Jeŭropie.
Taksama heta «prademanstruje zdolnaść aljansu chutka pierakinuć i vieści bajavyja dziejańni dla zachavańnia mocnaj i biaśpiečnaj Jeŭropy».
U manieŭrach udzielničajuć vajskoŭcy Bałharyi, Francyi, Hiermanii, Hrecyi, Italii, Niderłandaŭ, Polščy, Partuhalii, Ispanii, Vialikabrytanii i ZŠA.