Časopis «Prajdziśviet» źbiraje hrošy na druhuju knihu «Pryhod Šerłaka Chołmsa»
Časopis «PrajdziŚviet» zapuskaje kraŭdfandynhavuju kampaniju, kab vydać druhuju knihu apaviadańniaŭ Artura Konana Dojła pra Šerłaka Chołmsa pa-biełarusku.
Spadziajemsia, mnohija z vas čytali pieršuju knihu apaviadańniaŭ «Pryhody Šerłaka Chołmsa» ŭ našym pierakładzie. I ciapier my prosim vas achviaravać hrošy na nastupny zbornik — «Natatki pra Šerłaka Chołmsa».
Dzie kamandzie pierakładčykaŭ-vałancioraŭ uziać srodki na padrychtoŭku makietu, papieru, pracu drukarni, redaktaraŭ i karektaraŭ — voś zahadka XXI stahodździa, jakuju nie pad siłu vyrašyć navat lehiendarnamu detektyvu. Tamu vy, čytačy, — siońnia našaja adzinaja nadzieja i apora.
Kožny, chto achviaruje hrošy na knihu, atrymaje padarunak. Jaki — zaležyć ad sumy. Naprykład, za 300 000 rubloŭ možna budzie zajmieć asobnik knihi z kopijaj aŭtohrafa Artura Konana Dojła.
Historyi pra Šerłaka Chołmsa voś užo druhoje stahodździe zachaplajuć dziaciej i darosłych va ŭsim śviecie. Pra heta śviedčać šmatlikija pieravydańni pierajmańni i ekranizacyi — čaho tolki vartyja niadaŭnija filmy Haja Ryčy abo sieryjał BBC «Šerłak», jaki ŭžo staŭ kultavym. Ale historyja biełaruskaha Šerłaka Chołmsa tolki pačynajecca. Davajcie stvorym jaje razam!
Apaviadańni zbornika «The Memoirs of Sherlock Holmes» abiełarušvajuć dla vas piać pierakładčyc z koła «PrajdziŚvieta» — amatarki kłasičnych detektyvaŭ i viktaryjanskaj Anhlii: Hanna Jankuta, Alena Kazłova, Kaciaryna Macijeŭskaja, Alena Piatrovič i Maryja Martysievič.
Prosim vas raspaŭsiudzić hety dopis: naciśnicie «upadabać», padzialiciesia ź siabrami ŭ błohach i sacyjalnych sietkach.
I, biezumoŭna, prosim vas pierajści pa spasyłcy (http://www.talaka.by/projects/936/campaign) i vybrać sumu achviaravańnia.
Uvaha: pa praviłach sajta talaka.by vy nie achviarujecie hrošy prosta ciapier, vy tolki dajacie zhodu zrabić heta. Hrošy ŭ vas paprosiać, kali naš prajekt źbiare dastatkovuju sumu.