Premjer Vienhryi zaklikaŭ Jeŭropu skazać mihrantam: «Nie pryjazdžajcie», miž tym ludzi ŭzrušanyja fotam chłopčyka, što chacieŭ paratunku ŭ Jeŭropie, ale patanuŭ
Pa słovach vienhierskaha premjera, maralnym abaviazkam lidaraŭ jeŭrapiejskich krain było b nie davać mihrantam lišnich nadziej na toje, što ŭ Jeŭropie ich čakaje dobraje žyćcio..
Ułady Vienhryi, dzie treci dzień doŭžacca pratesty nielehalnych mihrantaŭ suprać sprob nie puścić ich u ciahniki ŭ inšyja krainy Jeŭrasajuza, pierakłali adkaznaść za los mihrantaŭ na Hiermaniju i pastaralisia apraŭdać svoj padychod da vyrašeńnia kryzisu i adstajać prava achoŭvać svaje dziaržaŭnyja miežy.
Cieła patanułaha trochhadovaha chłopčyka ź siamji ŭciekačoŭ la bierahoŭ Turcyi.
Premjer-ministr Vienhryi Viktar Orban patłumačyŭ, što takim čynam abaraniaje jeŭrapiejski pryncyp svabody pieramiaščeńnia, jaki apynuŭsia pad pahrozaj z-za niečuvanaha napłyvu mihrantaŭ, i skazaŭ, što šmat u čym ciapierašni kryzis źjaŭlajecca prablemaj Hiermanii, a nie astatnich krain Jeŭrasajuza.
Kiraŭnictva Jeŭrasajuza tym časam zaklikała jeŭrapiejskija krainy pryniać jašče bolš biežancaŭ.
«Heta prablema nie jeŭrapiejskaja, a niamieckaja. Nichto nie choča zastavacca ŭ Vienhryi, Słavakii, Polščy, Estonii. Usie chočuć u Hiermaniju. Naša praca palahaje tolki ŭ tym, kab ich zarehistravać», — skazaŭ Orban paśla sustrečy z pradstaŭnikami Jeŭrakamisii ŭ Brusieli.
Pa słovach Orbana, Vienhryja da 15 vieraśnia vykanaje ŭsie svaje abaviazacielstvy i abaronić svaje źniešnija miežy: «My pryniali novy pakiet zakonaŭ, my stvaryli nieabchodnyja fizičnyja zaharody».
Orban zaklikaŭ i inšyja krainy ES bolš adkazna padyści da prablemy mihrantaŭ. Pa słovach vienhierskaha premjera, maralnym abaviazkam lidaraŭ jeŭrapiejskich krain było b nie davać mihrantam lišnich nadziej na toje, što ŭ Jeŭropie ich čakaje dobraje žyćcio.