Ukraina zabaraniła, kab zasnavalnikami ŚMI byli «rezidenty krainy-ahresara»
Viarchoŭnaja Rada Ukrainy pryniała ŭ druhim čytańni i ŭ cełym zakon, jaki praduhledžvaje abaviazkovaje raskryćcio imionaŭ kančatkovych uładalnikaŭ i bienieficyjaraŭ ŭkrainskich srodkaŭ masavaj infarmacyi.
«Tut havorka idzie ab prazrystaści ŚMI. Dla taho kab Ukraina mieła infarmacyju pra ŭvieś łancužok uładalnikaŭ i bienieficyjaraŭ ŚMI, u pryvatnaści elektronnych miedyja», — adznačyła Viktoryja Siumar, staršynia kamiteta pa pytańniach svabody słova i infarmacyjnaj palityki.
Pry hetym Rada zabaraniła ŭdzielničać u stvareńni ŭkrainskich ŚMI jurydyčnym i fizičnym asobami, zarehistravanym ŭ afšorach, abo rezidentam krainy-ahresara.
Jak adznačaje ŭ svaim zaklučeńni kamitet, hety zakon zrobić bolš prazrystaj dziejnaść ŭkrainskich viaščalnikaŭ i pravajderaŭ, uviadzie dadatkovyja harantyi svabody słova i stvoryć pieradumovy dla prazrystaha licenzavańnia teleradyjoviaščańnia.