Vypadak z Alaksandram i Mikałajem Łukašenkami dy Si Czińpinam, rastyražavany kitajskimi sacsietkami VIDEA
3 vieraśnia ŭ Piekinie prajšoŭ parad, pryśviečany 70-hodździu pieramohi Kitaja ŭ vajnie supracivu ź Japonijaj i zakančeńnia Druhoj suśvietnaj vajny. Uvaha kitajskich sacsietak upała na videa, dzie biełaruski prezident padvodzić svajho syna Mikałaja da kitajskaha prezidenta i jaho žonki.
Łukašenka ciśnie ruku kitajskamu prezidentu, paśla čaho paciskaje ruku jaho žoncy. U hety čas Mikałaj vitajecca ź Si Czińpinam, zatym žonka kitajskaha kiraŭnika całuje jaho ŭ ščaku ŭ znak vitańnia i žestam prapanuje ŭstać kala jaje muža. Adnak tut ža Łukašenka biare syna pad ruku i advodzić jaho nazad.
Mikałaj, chutčej za ŭsio, z-za razhublenaści prakručvajecca na adnym miescy. Heta i zaŭvažyli kitajskija sacyjalnyja sietki.