NPC hieałohii — ab adkrytych radoviščach nafty: Heta pakul zakrytaja infarmacyja
Aficyjnyja ŚMI apublikavali siensacyjnuju zajavu kiraŭnika Minpryrody Andreja Kaŭtuchi: «U Biełarusi adkryta čarhovaje radovišča i niemałoje. Ciapier aceńvajucca jaho zapasy. Heta Šaciłkaŭskaje radovišča, jakoje raźmieščana ŭ Prypiackim prahinie», — rastłumačyŭ jon.
Pa słovach ministra, «heta radovišča budzie apieratyŭna pieradadziena arhanizacyi «Biełaruśnafta».
U Respublikanskim navukova-praktyčnym centry pa hieałohii, jaki zajmaŭsia vyvučeńniem nietraŭ Homielskaj vobłaści i adkryŭ radovišča čornaha zołata, admaŭlajucca kamientavać paviedamleńnie ministra pryrodnych resursaŭ i achovy navakolnaha asiarodździa.
«Heta zakrytaja infarmacyja pakul. Toje, što jość u srodkach masavaj infarmacyi, heta pakul usio. Bolš ja ničoha nie mahu skazać», — zajaviŭ karespandentu BiełaPAN hałoŭny inžynier NPC Siarhiej Žaraŭ.