4 vieraśnia ŭ Minsku — Noč kažanoŭ
Z 21.00 da 22.30 zapłanavana ekskursija ŭ parku Horkaha.
NPC Nacyjanalnaj akademii navuk Biełarusi pa bijaresursach sumiesna z hramadskaj arhanizacyjaj «Achova ptušak Baćkaŭščyny» dałučylisia da mižnarodnaj akcyi International Bat Night i 4 vieraśnia, z 21.00 do 22.30, arhanizujuć u Minsku Noč kažanoŭ, paviedamili ŭ pres-słužbie NAN Biełarusi.
«Miesca sustrečy — hałoŭny ŭvachod parka Horkaha ŭ Minsku. Kali pašancuje z nadvorjem, to my zmožam panazirać za kažanami z dapamohaj ultrahukavoj techniki», — zapeŭnili śpiecyjalisty.
«Kažany — nie hieroi kašmarnych snoŭ i filmaŭ žachaŭ. Ich rola ŭ pryrodzie kudy bolš vysakarodnaja: jany źniščajuć mnohich nasiakomych, apylajuć raśliny i dapamahajuć raśsiejać nasieńnie», — adznačyli śpiecyjalisty.