Łukašenka maje namier razabracca z cenami
Alaksandr Łukašenka maje namier detalova vyvučyć situacyju z cenami na spažyvieckim rynku. Ab hetym siońnia kiraŭnik dziaržavy zajaviŭ, prymajučy z dakładam staršyniu praŭleńnia Nacyjanalnaha banka Paŭła Kałaŭra.
Pavieł Kałaŭr prainfarmavaŭ, što za siem miesiacaŭ ceny ŭ Biełarusi vyraśli na 7,5%, čakajecca, što za studzień-žnivień pryrost składzie nie bolš za 7,9%. Kiraŭnik dziaržavy padkreśliŭ, što pierš za ŭsio jaho chvaluje cenaŭtvareńnie na tavary štodzionnaha popytu. «Mienš mianie — niachaj heta niepapularna — chvalujuć tyja ludzi, jakija pa try, pa piać televizaraŭ kuplali abo kuplajuć, aŭtamabili mohuć sabie kupić», - adznačyŭ Alaksandr Łukašenka.
Kiraŭnik dziaržavy nahadaŭ ab dadzienym im uradu daručeńni ŭvažliva adsočvać ceny na spažyvieckim rynku, «kab my niejak mahli i administracyjna ŭździejničać na inflacyju», ale pry hetym nie pierabirajučy, kab nie atrymać deficyt tavaraŭ.
U bližejšy čas kiraŭniku dziaržavy budzie paviedamlena ab situacyi z cenami na spažyvieckim rynku. Alaksandr Łukašenka maje namier detalova aznajomicca sa stanam spraŭ — až da raskładu pa asobnych tavarach.