Miadźviedzieŭ: Šeryja pastaŭki charčavańnia ŭ Rasiju ź Biełarusi nieprymalnyja
Šeryja schiemy pastavak charčavańnia ŭ Rasiju niedapuščalnyja, u tym liku ź Biełarusi. Pry hetym Maskva maje ŭ hetym pytańni poŭnaje parazumieńnie z partniorami, zajaviŭ žurnalistam premjer-ministr RF Dźmitryj Miadźviedzieŭ u Hrodnie.
Premjery Kabiakoŭ i Miadźviedzieŭ na fonie partreta Piatra Stałypina ŭ Hrodnie, fota z fejsbuka premjera Rasii
«Što tyčycca ŭsiakaha rodu šerych i kantrabandnych schiem — tut u nas pazicyja adzinaja dla ŭsich dziaržaŭ, u tym liku i našych partnioraŭ ź Biełarusi: takija schiemy niedapuščalnyja, my ź imi zmahalisia, i naturalna, budziem zmahacca», — skazaŭ kiraŭnik rasijskaha Kabinieta ministraŭ, adkazvajučy na pytańnie ab tym, ci isnuje prablema pastavak u RF praź Biełaruś sankcyjnych tavaraŭ.
Pa słovach premjera, u hetym pytańni jość «poŭnaje parazumieńnie taho, što takija pastaŭki, jakija nie źviazanyja ź pieradačaj pradukcyi, atrymanaj na terytoryi Biełarusi, ja maju na ŭvazie vyraščanaj u Biełarusi ci kardynalnym čynam pierapracavanaj — jany źjaŭlajucca parušeńniem isnujučaha režymu zabarony na ŭvoz, heta značyć tak zvanych antysankcyj».
«Naturalna, my z takimi pastaŭkami budziem zmahacca - jak mytnymi mietadami, tak i inšymi», - skazaŭ Miadźviedzieŭ.
Kiraŭnik Kabmina Rasii ličyć, što ciapierašniaja situacyja ŭ hetaj śfiery «jakraz schilaje da taho, kab stvarać sumiesnyja pradpryjemstvy, źviazanyja z padrychtoŭkaj, vyroščvańniem i nastupnaj pierapracoŭkaj sielhaspradukcyi».
U cełym, pa słovach Miadźviedzieva, u Rasii ź Biełaruśsiu dobryja adnosiny. Jon źviarnuŭ uvahu, što tavaraabarot dźviuch krain «viadoma zaležyć ad biahučaj ekanamičnaj situacyi i ŭ hetym sensie jon znachodzicca pa upłyvam cełaha šerahu faktaraŭ». Kiraŭnik Kabmina RF adznačyŭ, što kali adrazu paśla stvareńnia Mytnaha sajuza i JEAES tavaraabarot vyras, to ciapier «pad upłyvam ściskańniaŭ ekanomik i pamianšeńnia cen na vuhlevadarody tavarazvarot niekalki padniziŭsia».