Pucinu pieradali na podpis pahadnieńnie ab rasijskaj avijabazie ŭ Biełarusi
Premjer-ministr Rasii Dźmitryj Miadźviedzieŭ padpisaŭ pastanovu ab pieradačy prezidentu Uładzimiru Pucinu na podpis pahadnieńnia pamiž Maskvoj i Minskam ab rasijskaj avijacyjnaj bazie na biełaruskaj terytoryi. Adpaviedny dakumient byŭ u aŭtorak, 8 vieraśnia, apublikavany na sajcie kabinieta ministraŭ RF.
Pahadnieńnie ŭstanaŭlivaje paradak prymianieńnia avijabazy sumiesna z ŭzbrojenymi siłami Biełarusi dla abarony dźviuch krain, uklučajučy «supraćdziejańnie ŭzbrojenamu napadu z boku mižnarodnych terarystyčnych farmiravańniaŭ».
U pahadnieńni prapisany paradak raźmiaščeńnia, vykarystańnia i funkcyjanavańnia rasijskaj avijacyjnaj bazy na terytoryi Biełarusi, a taksama ŭzajemadziejańnie rasijskaha kantynhientu bazy z ŭzbrojenymi siłami Biełarusi.
Miesca dysłakacyi bazy nie paznačana.
Raniej paviedamlałasia, što zaklučeńnie hetaha pahadnieńnia budzie spryjać arhanizacyi sumiesnaj achovy źniešniaj miažy sajuznaj dziaržavy ŭ pavietranaj prastory i stvareńni adzinaj rehijanalnaj sistemy supraćpavietranaj abarony Rasii i Biełarusi. Taksama adznačałasia, što pałažeńni pahadnieńnia doŭhaterminova zamacujuć rasijskuju vajennuju prysutnaść u rehijonie i buduć sadziejničać umacavańniu jaho biaśpieki.