Ukraina paraiła kiraŭniku SK Rasii pravierycca ŭ psichijatra
Va ŭradzie Ukrainy nazvali prapahandysckaj zajavu Śledčaha kamiteta Rasii, zhodna ź jakim premjer-ministr Ukrainy Arsienij Jacaniuk vajavaŭ u Čačni na baku bajevikoŭ.
Pra heta napisała ŭ fejsbuku ŭ aŭtorak pres-sakratar premjer-ministra Volha Łapo.
kommersant.ru
«My raim rasijskamu režymu pravieści psichijatryčnuju ekśpiertyzu kiraŭnika Śledčaha kamiteta Bastrykina», — adznačyła jana.
Łapo nahadała, što kiraŭnik SK «cynična asudziŭ Nadzieju Saŭčanka, Aleha Siancova dy inšych ukrainskich patryjotaŭ».
Raniej u aŭtorak kiraŭnik Śledčaha kamiteta Alaksandr Bastrykin zajaviŭ, što ŭ viedamstva jość źviestki pra ŭdzieł Arsienija Jacaniuka ŭ pieršaj čačenskaj vajnie ŭ 1994-1995 hadach, što jon udzielničaŭ u bajach za Hrozny na baku bajevikoŭ, a taksama prymaŭ udzieł u katavańniach i rasstrełach rasijskich sałdat.