Viciebskaja milicyja pracuje ŭ antymironnym režymie
9 sakavika ŭ 21:30 u Viciebsku niaŭłoŭny Miron vyviesiŭ čarhovy ściah bieł‑čyrvona‑biełaha marafona, pryśviečanaha 90‑m uhodkam BNR. Adnak štandar nie pravisieŭ i pałovy hadziny.
9 sakavika ŭ 21:30 u Viciebsku niaŭłoŭny Miron vyviesiŭ čarhovy ściah bieł‑čyrvona‑biełaha marafona, pryśviečanaha 90‑m uhodkam BNR. Adnak štandar nie pravisieŭ i pałovy hadziny.
Nacyjanalny ściah byŭ uźniaty na studenckim internacie pa vulicy imia Frunzie nasuprać hałoŭnaha korpusa Viciebskaha dziaržaŭnaha miedycynskaha univiersiteta. Jak zdoleli paviedamić Barysu Chamajdzie vartyja davieru krynicy, da ściaha była prymacavanaja cydułka nastupnaha źmiestu:
«Honar i pašana niepachisnamu palityčnamu dziejaču Biełaruskaj Narodnaj Respubliki Vasilu Zacharku, jaki adyhraŭ vyklučnuju rolu ŭ zachavańni Uradu BNR u 1925 hodzie. Słava hierojam BNR! Žyvie Biełaruś! Žyvie viečna! Miron».
Ściah pravisieŭ nie bolš čym pałovu hadziny i byŭ źniaty pry dapamozie aŭtavyški kamunalnych słužbaŭ horada, jakuju vyklikała milicyja. Zvažajučy na chutkaść, ź jakoj siłavyja struktury apošnim časam reahujuć na akcyi bieł‑čyrvona‑biełaha marafona, moža skłaścisia ŭražańnie, što ŭ horadzie stvoranaja admysłovaja «antymironavaja» hrupa chutkaha reahavańnia.