Lidara radykalnaj apazicyi Vieniesueły asudzili na 13 hadoŭ źniavoleńnia
Sud u Vieniesuele prysudziŭ lidara ruchu «Narodnaja vola», apazicyjaniera Leapolda Łopiesa, da 13 hadoŭ i 9 miesiacaŭ źniavoleńnia. Łopies byŭ pryznany vinavatym u padbuchtorvańni da hvałtu padčas masavych akcyj pratestu ŭ pačatku 2014 hoda, lidaram jakich jon źjaŭlaŭsia.
Abarona apazicyjaniera ŭžo abvinavaciła sud u parušeńniach u chodzie razboru: pa słovach advakata, sudździa zasłuchaŭ 138 śviedak abvinavačvańnia i tolki adnaho śviedku abarony, niahledziačy na toje, što pakazańni hatovyja byli dać 50 čałaviek.
Leapolda Łopies znachodzicca pad aryštam ź siaredziny lutaha minułaha hoda pa abvinavačvańniach, źviazanych ź jaho rolaj u masavych akcyjach pratestu suprać sacyjalistyčnaha ŭrada Nikałasa Madura ŭ minułym hodzie. U mai jon abjaŭlaŭ haładoŭku, patrabujučy vyzvaleńnia palityčnych viaźniaŭ.
6 śniežnia ŭ Vieniesuele projduć parłamienckija vybary.
Pa dadzienych niekatorych apytańniaŭ, šancy apazicyi na pośpiech značna ŭzraśli ŭ apošni čas z ulikam składanaj ekanamičnaj situacyi ŭ krainie.