Pres-centr ATA: abstrełaŭ niama ŭžo druhija sutki
Upieršyniu za mnohija miesiacy sutki ŭ zonie vajennych dziejańniaŭ na ŭschodzie Ukrainy prajšli spakojna, paviedamiŭ pres-centr «antyterarystyčnaj apieracyi» ŭkrainskich vajskoŭcaŭ.
Na praciahu nočy na 11 vieraśnia abstrełaŭ taksama nie było.
«Supiernik ni razu nie parušaŭ pieramirje i adpaviedna nie ŭžyvaŭ zbroju», — havorycca ŭ paviedamleńni, apublikavanym u fejsbuku.
«Mirnyja žychary Danbasa, vajskoŭcy sił ATA spadziajucca, što minskija damoŭlenaści i ŭ dalejšym buduć vykonvacca varahujučymi bakami. A vyrašeńnie sprečnych pytańniaŭ i roznahałośsiaŭ piarojdzie ŭ fazu pieramovaŭ», — dadajuć u pres-centry.
U pačatku tydnia ŭkrainskija ŭłady paviedamili ab rezkim źmianšeńni kolkaści abstrełaŭ u Danbasie.