Maskva admaŭlajecca ad mahilnych zaharadak
Na novych mohiłkach stalicy Rasii płanujecca zabaranić zaharadki vakoł mahił.
«Aharodžy davoli chutka prychodziać u nieprydatnaść, na ich ablataje farba. Taksama jany pieraškadžajuć prachodu ludziej. Na novych mohiłkach pastarajemsia zadać trend na maksimalna biezbarjernuju prastoru», — zajaviŭ kiraŭnik maskoŭskaha haradskoha pradpryjemstva «Rytuał» Arciom Jakimaŭ.
Novyja mohiłki buduć vyhladać jak «vialikija prastory, pali, umoŭna abmiežavanyja cokalnymi zbudavańniami i pomnikami».
Akramia taho, na mohiłkach novaha farmatu buduć stvarać mini-parki. Tam buduć sažałki i łaŭki dla adpačynku naviedvalnikaŭ mohiłak.
Taki farmat mohiłak pryniaty na Zachadzie.
U Biełarusi, jak i ŭ Rasiei, dahetul isnavała tradycyja zaharadak vakoł mahił. Heta pieražytak dachryścijanskaha słavianskaha zvyčaju. Raniej niekatoryja słavianskija plamiony budavali na mahile niabožčyka ŭmoŭnuju novuju chatu dla jaho ci choć by zaharadku vakoł novaj jaho siadziby.