Rakietnyja ruchaviki dla ZŠA budzie raspracoŭvać kampanija Blue Origin. Jany zamieniać rasiejskija RD-180
U čaćvier, 10 vieraśnia, amierykanski kancern United Launch Alliance (ULA) i kampanija Blue Origin abviaścili ab padpisańni kantraktu na vytvorčaść rakietnych ruchavikoŭ VIE-4, jakija pavinny buduć zamianić ruchaviki RD-180 vytvorčaści Rasii.
Adznačajecca, što novyja rakietnyja ruchaviki VIE-4 buduć vykarystoŭvacca ŭ sistemie zapusku nastupnaha pakaleńnia Vulcan.
«Ruchavik VIE-4 źjaŭlajecca najbolš chutkim šlacham da alternatyvy rasiejskamu RD-180, što vyrablajecca ŭ ZŠA. Jaho raspracoŭka idzie pa raskładzie, jaki praduhledžvaje dasiahnieńnie hatoŭnaści da palotu ŭ 2017 hodzie i pieršy palot u 2019 hodzie», — kažuć u Blue Origin.
Vydańnie The Wall Street Journal pisała, što zaležnaść ZŠA ad rasiejskich rakietnych ruchavikoŭ RD-180 niehatyŭna adbivajecca na nacyjanalnaj biaśpiecy krainy. Akramia hetaha, dadzieny aśpiekt značnym čynam supiarečyć ekanamičnym sankcyjam, jakija byli ŭviedzienyja suprać Rasiei.
U pačatku červienia VPS ZŠA aficyjna abviaścili konkurs na stvareńnie rakietnych ruchavikoŭ dla zamieny rasijskich RD-180.
Padkreślivajecca «terminovaja nieabchodnaść» spynić vykarystoŭvać rasijskija rakietnyja ruchaviki dla zapuskaŭ vajennych i raźviedvalnych spadarožnikaŭ. Adnak Pientahon zapeŭniŭ, što nie moža abyścisia biez rasiejskich rakietnych ruchavikoŭ jašče niekalki hadoŭ.
U liście da kanhresmienaŭ ad 11 maja ministr abarony Eštan Karter i dyrektar nacyjanalnaj raźviedki Džejms Kłepier zajavili, što Pientahon sutykniecca z surjoznymi prablemami pry zabieśpiačeńni dostupu da kosmasu dla samych dalikatnych abaronnych i raźviedvalnych technałohij krainy, kali zabarona na rasijskija ruchaviki zastaniecca ŭ sile.