Łukašenka 15—18 vieraśnia naviedaje Dušanbe i Sočy
Alaksandr Łukašenka 15 vieraśnia prymie ŭdzieł u siesii Rady kalektyŭnaj biaśpieki Arhanizacyi Damovy ab kalektyŭnaj biaśpiecy, jakaja projdzie ŭ Dušanbe.
Paradak dnia pasiadžeńnia naličvaje bolš za paŭtara dziasiatka pytańniaŭ. U pryvatnaści, buduć razhledžanyja biahučyja pytańni dziejnaści ADKB, pryjarytetnyja napramki ŭ pieryjad staršynstva ŭ Arhanizacyi Armienii.
Razmova pojdzie taksama ab praviercy hatoŭnaści vajskovych kantynhientaŭ Kalektyŭnych sił apieratyŭnaha reahavańnia ADKB da vykanańnia zadač pa pryznačeńni, ab arhanizacyi kiravańnia vojskami (Kalektyŭnymi siłami) ADKB, ab składzie i bazavańni Kalektyŭnych avijacyjnych sił dy inšyja pytańni
Potym Alaksandr Łukašenka nakirujecca z rabočym vizitam u Rasijskuju Fiederacyju, dzie prymie ŭdzieł u mierapryjemstvach II Forumu rehijonaŭ Biełarusi i Rasii, jaki projdzie 17—18 vieraśnia ŭ Sočy.
Čakajecca, što ŭ plenarnym pasiadžeńni forumu prymuć udzieł bolš za 350 pradstaŭnikoŭ zakanadaŭčaj i vykanaŭčaj halin ułady Biełarusi i Rasii, rehijonaŭ, kiraŭnikoŭ bujnych pradpryjemstvaŭ i biznes-supolnaściaŭ.