Parašenka abvinavaciŭ Rasiju ŭ mihracyjnaj prablemie Jeŭropy
Prezident Ukrainy Piatro Parašenka zajaviŭ, što ŭ rezkim roście patoku biežancaŭ ź Blizkaha Uschodu ŭ Jeŭrasajuz vinavataja Rasija.
Vystupajučy ŭ efiry telekanała «112 Ukraina», Parašenka źviazaŭ mihracyjny kryzis u Jeŭropie z čutkami ab vysadcy rasijskich vojskaŭ u Siryi i ich pramym udziele ŭ bajach ź miascovymi paŭstancami.
«Niezakonnaja anieksija Rasijaj Kryma, jakaja nie atrymała nieadkładnaha mahutnaha adkazu mižnarodnaj supolnaści, padšturchnuła Kreml da nastupnaha kroku. Rasijskija tak zvanyja «zialonyja čałaviečki» vysadžvajucca ŭ Siryi», — skazaŭ ukrainski prezident.
Pry hetym rasijski bok admaŭlaje pramy ŭdzieł u vajennych dziejańniach u Siryi, choć pryznaje fakt pastavak zbroi uradavym vojskam i raźmiaščeńnie ŭ krainie svaich vajskovych śpiecyjalistaŭ i instruktaraŭ.