Try «srebry»
Na vychodnych u hišpanskaj Valensii prajšoŭ čempijanat śvietu pa lohkaj atletycy ŭ zakrytych pamiaškańniach. Biełarusy na Pirenejach byli pradstaŭleny minimalna – tolki ŭ šaści vidach prahramy.
Na vychodnych u hišpanskaj Valensii prajšoŭ čempijanat śvietu pa lohkaj atletycy ŭ zakrytych pamiaškańniach. Biełarusy na Pirenejach byli pradstaŭleny minimalna – tolki ŭ šaści vidach prahramy.
Razam z tym, u čatyroch dyscyplinach našy suajčyńniki niebiespadstaŭna raźličvali na medali. Tolki biehunoŭ Maksima Łynšu i Jaŭhieniju Vaładźko nielha było adnieści da favarytaŭ. Nie pašancavała i šturchalniku jadra Andreju Michnieviču – jon čaćviorty.
Urešcie, našy atlety ŭziali try medali, da taho ž usie srebranyja. Nadzieja Astapčuk u šturchańni jadra pakazała daloka nie najlepšuju formu, ale navat šturška na 19,74 chapiła joj, kab stać na druhuju prystupku pjedystału. Pieršaj ža stała novazelandka Valery Veli. Jana zašpurnuła jadro 20,19.
Litaralna praź piać chvilin paśla pośpiechu Astapčuk, druhi medal u skarbonku zbornaj pakłaŭ diesiaciborac Andrej Kraŭčanka. Jon nabraŭ 6234 punktaŭ. Tym samym pastaviŭšy novy rekord Biełarusi. Prajhraŭ Kraŭčanka tolki amerykancu Brajanu Kleju.
Apošni medali Valensii dla našaj zbornaj zavajavała estafetnaja zbornaja 4ch400. Hanna Kozak, Iryna Chlustava, Śviatłana Ŭsovič i Iłona Ŭsovič byli druhim. Prajhraŭšy rasijankam, ale vyjhraŭšy ŭ amerykanak.