Paŭdniovaja Kareja departavała rasijskich spartsmienaŭ za deboš u samalocie
Paŭdniovaja Kareja departavała dzieviać rasijskich spartsmienaŭ paśla zatrymańnia ŭ aeraporcie Inčon.
Pavodle paviedamleńniaŭ palicyi, spartsmieny, jakija pavinny byli pryniać udzieł u vajenna-spartyŭnych hulniach, parušyli praviły pavodzin na borcie samalota. Pa słovach pradstaŭnika palicyi, rasiejcy złoŭžyvali śpirtnymi napojami ŭ samalocie i pavodzili siabie zadzirliva.
Paśla taho, jak bortpravadnik admoviŭsia prynieści spartsmienam jašče śpirtnoha, jany ŭstali ź miescaŭ i zabłakavali prachod.
Piaciarym mužčynam i čatyrom žančynam byli pradjaŭlenyja abvinavačvańni ŭ parušeńni zakona ab avijacyjnaj biaśpiecy Paŭdniovaj Karei.
Rasijskaja kamanda praciahnie ŭdzieł u hulniach, adnak z-za adchileńnia hetych dzieviaci atletaŭ Rasiju pradstaviać tolki vosiem spartsmienaŭ.
VI Suśvietnyja Vajenna-spartyŭnyja hulni projduć u Paŭdniovaj Karei z 2 pa 11 kastryčnika. U ich prymuć udzieł 9000 pradstaŭnikoŭ sa 110 krain śvietu. U prahramu spabornictvaŭ uklučany 24 vidy sportu, u 17 ź ich prymuć udzieł vajskovyja atlety.