Bloomberg daviedałasia, chto prapanavaŭ Pucinu pačać apieracyju ŭ Siryi
Jak paviedamlaje ŭ piatnicu, 2 kastryčnika, ahienctva Bloomberg, spasyłajučysia na ŭłasnyja krynicy, pačać vajennuju kampaniju ŭ Siryi prezidentu Rasii Uładzimiru Pucinu paraili dla taho, kab «ažyvić» adnosiny z ZŠA.
Reuters.com
Pa słovach dźviuch krynic ahienctva, jakija kazali na ŭmovach ananimnaści, inicyjatarami vajennaj kampanii ŭ Siryi stali kiraŭnik prezidenckaj administracyi Siarhiej Ivanoŭ, ministr abarony Siarhiej Šajhu i kiraŭnik Rady biaśpieki Mikałaj Patrušaŭ. Ahienctva piša, što Rasija mieła namier dakazać svaju pieravahu nad «Isłamskaj dziaržavaj» tam, dzie heta nie ŭdałosia ZŠA.
Pa słovach krynic, płany ab pačatku vajennaj kampanii ŭ Siryi źjavilisia jašče niekalki miesiacaŭ tamu. Vojski prezidenta Bašara Asada ciarpieli parazy viasnoj i letam 2015 hoda, taksama ŭ toj čas prykmietna astudžalisia adnosiny z ZŠA i Jeŭropaj z-za ŭkrainskaha pytańnia.
U hetym płanie Pucin ubačyŭ šaniec vybracca ź izalacyi. Pačatak vajennaj apieracyi, kažuć krynicy, dazvolić zrušyć asnoŭnyja abmierkavańni z temy Ukrainy. Taksama krynicy śćviardžajuć, što pačatak apieracyi ŭ Siryi — vialikaja ryzyka. Jak pieradaje ahienctva, kampanija praciahniecca niekalki miesiacaŭ.