U Biełarusi pryniatyja dadatkovyja miery dla svoječasovaha raźliku za enierharesursy
Heta praduhledžana pastanovaj Savieta Ministraŭ №881 ad 21 kastryčnika 2015 hoda, jakaja apublikavana na Nacyjanalnym pravavym internet-partale.
Dakumientam unosiacca źmianieńni ŭ pałažeńnie ab paradku abmiežavańnia abo spynieńnia padačy pryrodnaha hazu, elektryčnaj i ciepłavoj enierhii spažyŭcam, jakija nie zabiaśpiečyli svoječasovuju ich apłatu.
U pryvatnaści, ustanoŭlena, što patrabavańni pałažeńni ab abmiežavańni abo spynieńni padačy enierharesursaŭ nie raspaŭsiudžvajucca na arhanizacyi achovy zdaroŭja i adukacyi, ustanovy sacyjalnaha absłuhoŭvańnia, sudy ahulnaj jurysdykcyi, arhanizacyi, padnačalenyja Minabarony, MUS, Dziaržpahrankamitetu, DMK.
Kali apłata za enierharesursy nie pastupiła pa zakančeńni vyznačanaha terminu, haza-i enierhazabieśpiačalnym arhanizacyi ŭvodziać režym abmiežavańnia padačy enierharesursaŭ albo spyniajuć ich padaču, źmianiajučy ŭ adnabakovym paradku dahavornyja vieličyni spažyvańnia enierharesursaŭ.
Pry zvarocie z chadajnictvam ab adterminoŭcy abmiežavańni abo spynieńni padačy enierharesursaŭ kiraŭniki dziaržorhanaŭ, ich namieśniki niasuć piersanalnuju adkaznaść za pryniatyja abaviazacielstvy pa apłacie enierharesursaŭ.
Zhodna z pastanovaj, z 1 studzienia 2016 h. spažyviec płacić za enierharesursy, spažytyja bolš čym na 5% zvyš abjomaŭ, źmienienych haza-i enierhazabieśpiačalnymi arhanizacyjami ŭ adnabakovym paradku adnosna damoŭnych vieličyń spažyvańnia enierharesursaŭ i paćvierdžanych pakazańniami ličylnikaŭ, z užyvańniem pavyšajučaha kaeficyjenta 1,5 da taryfaŭ na elektryčnuju i ciepłavuju enierhiju i cenaŭ na pryrodny haz.
U dakumiencie taksama vykładzieny pieralik spažyŭcoŭ, abmiežavańnie abo spynieńnie padačy enierharesursaŭ jakim ździajśniajecca z ulikam rašeńnia respublikanskaj kamisii pa kantroli za ažyćciaŭleńniem raźlikaŭ za pryrodny haz, elektryčnuju i ciepłavuju enierhiju.