Što takoje «ruski śviet»? Tłumačyć Alaksandr Zacharčanka
Kiraŭnik samaabvieščanaj «Danieckaj narodnaj respubliki» Alaksandr Zacharčanka daŭ pres-kanfierencyju, padčas jakoj raskazaŭ pra supraćstajańnie «ruskaha śvietu» kaštoŭnaściam Zachadu.
«Kali hladzieć u hłabalnym sensie, to my ciapier znachodzimsia na pieradavoj abarony ŭsiaho taho, što my nazyvajem ruskim śvietam. Heta chutčej ceły kompleks paniaćciaŭ. Ruski śviet - heta jaskravaja, žyvaja, sapraŭdnaja krynica, u jakoj sabranyja nie tolki paniaćcie nacyjanalnaści, a ŭsioabdymnaja supolnaść nacyj».
«Što takoje Jeŭropa i zachodniaja cyvilizacyja, jak takaja, u maim razumieńni. Heta hłabalizacyja, pryraŭnoŭvańnie ludziej da biezabličnych istot, jakija nie viedajuć ni rodu, ni plemia, šeraja masa spažyŭcoŭ. I vielmi važna razumieć, što vajna - heta nie tolki viadzieńnie bajavych dziejańniaŭ na terytoryi našaj respubliki, heta vajna i ŭ sabie taksama za toje, što ty vybiraješ. Ci ty chočaš žyć šeraj masaj, abo hetym, śviatym, tym, što tabie zakłali tvaje prodki. Heta spadčyna nieabchodna zachavać. Tamu my znachodzimsia na pieradavoj abarony ruskaha śvietu».