Mašyna z nadpisami relihijnaha źmiestu prataraniła bramu Spasa-Jeŭfrasińnieŭskaha manastyra ŭ Połacku
Zaviedziena kryminalnaja sprava pa fakcie paškodžańnia z chulihanskich mierkavańniaŭ majomaści Spasa-Jeŭfrasińnieŭskaha manastyra, paviedamiła aficyjny pradstaŭnik upraŭleńnia SK pa Viciebskaj vobłaści Ina Harbačova.
foto Sierhieja Bałaja, Tut.by
— Ranicaj 3 listapada 37-hadovy žychar Vierchniadźvinskaha rajona na aŭtamabili VW Transporter ździejśniŭ najezd na centralnyja varoty.
Na aŭtamabil byli naniesienyja nadpisy relihijnaha źmiestu. Naprykład, adzin ź ich abviaščaŭ: «Pachavajcie ŭsie moščy z chramaŭ i manastyroŭ».
Dla vyśviatleńnia ŭsich abstavinaŭ, ahladu miesca zdareńnia, fiksacyi materyjalnych śladoŭ złačynstva i zboru dokaznaj bazy na miesca avaryi skiravałasia śledča-apieratyŭnaja hrupa. Dapytanyja vidavočcy, ahledžany aŭtamabil z naniesienymi na jaho nadpisami relihijnaha źmiestu.
Zatrymany na miescy zdareńnia kiroŭca źmieščany va ŭstanovu achovy zdaroŭja dla dyjahnostyki stanu psichičnaha zdaroŭja.