Karcina Pikasa z aholenaj žančynaj pajšła z małatka za $ 67 młn
Karcina ispanskaha mastaka Pabła Pikasa pradadzienaja na aŭkcyjonie Sotheby's u Ńju-Jorku za 67 młn dalaraŭ.
Karcina ŭjaŭlaje saboj partret aholenaj śpiavački kabare. Na advarotnym baku pałatna prysutničaje jašče adzin malunak — źjedlivaja karykatura na art-dylera Pikasa. Jaje vyjavili tolki padčas restaŭracyi karciny ŭ 2000 hodzie.
AP
Partret aholenaj śpiavački byŭ napisany mastakom u 19 hadoŭ, nieŭzabavie paśla pierajezdu ŭ Paryž. Jaho acenačny košt składaŭ 60 młn dalaraŭ. Na tarhi karcinu vystaviŭ biznesmen Uiljam Koch, jaki nabyŭ jaje ŭ 1984 hodzie za 3 młn dołaraŭ.
Pabła Pikasa ličycca samym darahim mastakom.
Jaho pałotny rehularna staviać rekordy na roznych aŭkcyjonach. U pryvatnaści, ciapier samaj darahoj karcinaj u śviecie ličacca jaho «Ałžyrskija žančyny», jakija pajšli ŭ mai z małatka za 179 młn dalaraŭ.