Pamior aŭtar idei ab «słabym dyktatary» Hitlery historyk Momzien
Niamiecki historyk Hans Momzien, jaki staŭ viadučym ekśpiertam pa historyi nacysckaj Hiermanii i Chałakostu, pamior u svoj 85-y dzień naradžeńnia.
Historyk pamior paśla praciahłaj chvaroby ŭ siabie doma ŭ Bavaryi.
Hans Momzien byŭ najbolš viadomym prychilnikam «funkcyjanalisckaha padychodu» da vyvučeńnia historyi niamieckaha nacyzmu. U pryvatnaści, jon ličyŭ Adolfa Hitlera słabym dyktataram, jaki prymaŭ rašeńni pa miery raźvićcia padziej, a nie płanavaŭ ich zahadzia. Momzien ličyŭ, što niazdolnaść Hitlera ŭstalavać u Hiermanii žorstkuju strukturu ŭłady pryviała da šyrokaj dezarhanizacyi, kali najbolš paśpiachovyja aparatčyki sprabavali pradbačyć liniju partyi i tym samym schilali fiurera na svoj bok.
U suviazi z hetym Momzien śćviardžaŭ, što nacysckaja Hiermanija nie była paŭnavartasnaj tatalitarnaj dziaržavaj, a najaŭnaść množnych centraŭ siły pryviało da «nazapašanaj radykalizacyi». Mienavita hetym, na jaho dumku, tłumačycca praviadzieńnie Chałakostu: Momzien piša, što sam Hitler nie prymaŭ jakoha-niebudź kankretnaha rašeńnia ŭ dačynieńni da losu niamieckich jaŭrejaŭ, a dazvalaŭ padnačalenym vysłužvacca ŭ ramkach ahulnaha antysiemickaha kursu - mahčyma, u siłu ŭnutranaha žadańnia vycieśnić hetuju ideju z ŭłasnaj śviadomaści.
Hetaja interpretacyja praduhledžvaje bolš šyrokuju adkaznaść za złačynstvy nacyzmu, adnak, na dumku krytykaŭ «funkcyjanalizmu», niedaaceńvaje rolu samoha Hitlera i stvaraje iluziju nienaŭmysnaści padziej.